Xheka: 1 në 3 gra dhunohen nga bashkëshortët

Dhuna në familje vazhdon të mbetet fenomen shqetësues për shoqërinë shqiptare. Raporti më i fundit për dhunën në familje, dhe kryesisht për dhunën ndaj grave, tregon qartazi se dhuna është prezentë në forma nga më të ndryshmet në familjet shqiptare. Sipas të dhënave nga Ministria e Punës, një në tre gra në Shqipëri dhunohen. Sipas burimeve nga kjo ministri behët e ditur se ka një rritje të shifrave të rasteve të dhunuar, këta janë kryesisht fëmijë dhe gra.

Ministria e Punës ka deklaruar se në 9 mujorin e këtij viti janë denoncuar pranë strukturave të policisë rreth 993 raste të dhunës në familje, kryesisht tek fëmijët dhe gratë. Kjo ministri nisi ditën e djeshme një fushatë 10 ditore në të gjithë vendin për të sensibilizuar opinionin shoqëror që t’i thotë jo dhunës në familje. Trajnimi i parë u realizua dje në mjediset e Fakultetit të Filologjisë me studentët e gazetarisë, i pranishëm në këtë fushat ishte dhe Ambasadori i SHBA-së në Tiranë, John Withers zhvilloi, ku gjatë fjalës së tij, vuri theksin mbi dhunën në familje në Shqipëri, të cilat kapin shifra shkuese. “Kam lexuar një statistikë për Shqipërinë që më ka shokuar. Sipas saj të paktën 1 në 3 e grave në Shqipëri ka përjetuar dhunë brenda familjes. Nuk dua ta mendoj se kjo është diçka e tolerueshme në çdo lloj shoqërie. Një tjetër statistikë tregon se gjatë 9 muajve të fundit janë regjistruar 1000 ankesa për dhunën. Edhe kjo është e pa tolerueshme. Abuzimi nuk ka vetëm formë fizike por edhe verbale. Nocioni që gratë janë inferiore është ide e kaluar në kohë”, deklaroi Withers.

Të dhunuar edhe burrat
Drejtoresha për barazinë gjinore në ministri, Ana Xheka, ka theksuar se në këto shifra një numër shumë i pakët i atribuohet meshkujve, por jo bashkëshortëve. Sipas saj, dhuna e raportuar nga burrat i përket më shumë të moshuarve dhe jo marrëdhënieve në çift. “Ka denoncime dhe nga burrat por rastet nuk janë bashkëshortë sikurse parashikohet në ligj. Rastet mund të jenë fëmijë që kanë dhunuar të moshuar, por sipas ligjit format e dhunës janë të ndryshme, fizike, psikologjike apo emocionale”, tha Xheka. Por tre vjet pas hyrjes në fuqi të ligjit për masat ndaj dhunës në familje, nuk është ngritur asnjë strehë për viktimat e dhunës. Ministria e Punës ka deklaruar se kjo detyrë sipas ligjit i është ngarkuar pushtetit vendor, por ai nuk ka bërë deri tani asgjë. Nderë të tjera ajo parashtroj problemin se në vendin tonë nuk ka gatishmëri 24 orë, gjithashtu një tjetër shqetësim p[ër të ka qenë dhe mungesa e strehimit për pritjen e grave të dhunuara. Megjithatë sipas burimeve nga ministria e punës dhe qendra e gruas denoncime të grave të dhunuara ka shumë. Në telefonin tonë ka përditë 5-6 raste, denoncojnë dhunën dhe kanë probleme të ndryshme. Çdo ditë psikologia jonë asiston psikologjikisht dy gra. Duke iu referuar raporteve për vendin tonë, 1 në 3 gra në Shqipëri dhunohen. “Dhuna ekziston, është shumë e egër, ka të bëjë me mentalitetin, por fakti që janë bërë ligje kjo është pozitive. E rëndësishme tani është që këto ligje të zbatohen dhe të mos mbesin vetëm në letër”, pohojnë burimet.

Fëmijët përballë dhunës.
Rreth 90 për qind e fëmijëve janë të pranishëm gjatë episodeve të dhunës dhe, rreth 50 për qind e tyre dhunohen, së paku emocionalisht, sipas të dhënave nga qendra e të drejtave të njeriut. Për t’u theksuar është fakti se përqindja dërrmuese e autorëve të dhunës në vendin tonë janë partnerë me nivel të ulët arsimor. Në Shqipëri, dhuna brenda familjes ushtrohet kryesisht ndaj grave, por edhe ndaj fëmijëve nën moshën 6 vjeç. Ndaj fëmijëve të vegjël, dhunën në përgjithësi e ushtrojnë gratë, të cilat janë të angazhuara me rritjen dhe edukimin e fëmijëve. Shkakun e kësaj dhune sociologët e shpjegojnë edhe me emocionet e forta brenda familjes, ku ndërthuret dashuria dhe urrejtja. Kjo bën që një mosmarrëveshje e vogël dhe e parëndësishme të sjellë shpesh konflikte të ashpra.


Liri Mëhalla
SOT