Tradhtitë virtuale janë tashmë justifikimet më të shpeshta në çështjet e divorceve, pasi nëpër këto site njerëzit kanë mundësi të vënë në praktikë të gjithë fantazitë e tyre.

Sot tradhtitë nuk fillojnë vetëm nga kontakti fizik, por edhe nga rrjetet e ndryshme sociale në internet, apo sajte, që kanë si qëllim për të takuar dy persona që dëshirojnë të kenë një lidhje. Tradhtitë virtuale janë tashmë justifikimet më të shpeshta në çështjet e divorceve. Në veçanti është pasojë e jetës së dytë. Nëpër këto sajte online, njerëzit kanë mundësi të rishohin jetën e tyre si dhe të vënë në praktikë të gjithë fantazitë e tyre; Natyrisht që askush nuk do të paraqitej në gjykata se shkelja e kurorës është bërë vetëm në botën virtuale, në internet, por ju mund të provoni se partnerja/partneri juaj ka një sjellje të papërshtatshme. Madje janë të njohura rastet kur partnerja e “tradhtuar”, e cilëson këtë si mashtrim më të rëndë se sa kontaktin fizik. Pse ndodh kjo? Ekspertë dhe psikologë të ndryshëm kanë konkluduar se mashtrimet apo tradhtitë e tilla thyejnë më shumë femrën, kjo për shkak të natyrës sentimentale që kanë ato. Një grua mund të provojë se burri i saj shpenzon disa orë çdo mbrëmje në kompjuterin tij, duke mos i kushtuar vëmendje familjes, ose duke krijuar marrëdhënie të papërshtatshme me një person nëpërmjet kompjuterit. Është e lehtë atëherë për të treguar se si këto sjellje dhe këto marrëdhënie kanë një ndikim negativ në jetën familjare. Shpesh të dyshuarit për tradhti nisen nga informacionet dixhitale si facebook email, chat, etj.

bota sot