Shtohet presioni ndaj kryetarit të PS, kërkohet zbatimi i statutit

Me kthimin e plotë të deputetëve socialistë në Parlament dhe Komisione Parlamentare, Edi Rama ka pranuar zyrtarisht humbjen e zgjedhjeve të 28 qershorit. Pas alibive dhe marifeteve komuniste 6 mujore, duke manipuluar humbjen e zgjedhjeve para bazës socialiste, më në fund Edi Rama e zyrtarizoi PS në opozitë dhe nuk i ka mbetur më asnjë hapësirë për t’i

mashtruar socialët me hapje kutish apo zgjedhje të parakohshme. Kësisoj, në mënyrë të natyrshme baza socialiste kërkon dorëheqjen e Ramës nga drejtimi i PS, në mënyrë që opozita të kthehej në normalitet. Socialistët e konsiderojë të papranueshëm faktin që një kryetar që ka humbur zgjedhjet të qëndrojë si kodosh në krye të partisë dhe si mos të mjaftonte kjo, kryetari humbës vijon ende ta mjegulluar dështimin e tij. Baza socialiste, e zhgënjyer në maksimum nga mashtrimi i dyfishtë i Ramës, kërkojnë të ndiqet standardi i vitit 2005, ku kryetari që humb zgjedhjet të vetëlargohet, ashtu siç bëri Nano. Pas rikthimit të PS në jetën Parlamentare, një pjesë e deputetëve socialistë bashkë me shumë anëtarë të PS, kërkojnë një analizë serioze të ndarjes së përgjegjësisë së humbjes dhe një palë zgjedhje normale për kryetar. Socialistët gjithashtu kërkojnë kthimin e ish-kryeministrave dhe ministrave të PS që janë përjashtuar nga Rama, si Nano, Koçi, Bufi, etj., si dhe reformimin e thellë të partisë. Veç kësaj, baza e PS kërkon që t’i jepet fund kërcënimin për përjashtimin e zërave ndryshe si dhe të rishihet pozicioni i atyre drejtuesve të lartë të PS, si Ruçi për shembull, të cilët e mbajtën Ramën na krye të partisë pavarësisht se humbi zgjedhjet. Nga frika e kthimit të Nanos, mbështetja e Ruçit ka qenë vendimtare për moslargimin e Ramës. Mirëpo kjo ka shënuar një precedent negativ në PS, ku mbi interesat e elektoratit dominojnë interesat e një klani të ngushtë, duke mbështetur njëri-tjetrin verbërisht dhe në kundërshtim me statutin. Ndërkaq, largimin i Ramës nga partia është kërkuar me ngulm edhe nga deputetët deputet që pritën të zëvendësonin bojkotuesit e Parlamentit, pra nga kandidatët që Rama i vendosi nga fundi i listës. Me zgjatjen e alibisë së kutive, Rama ka kujtuar se do t’i shpëtojë kritikave të zërave kundra dhe kërkesës për largimin nga PS. Ai, edhe këto ditë po mundohet t’i shuajë këto zëra, duke paralajmëruar për protesta herë për kutitë, herë për rritjen e energjisë elektrike dhe herë për autonominë e pushtetit vendorë. Megjithatë, vështirë se do t’ia dalë, pasi ishte vetë Rama në vitin 2005 që deklaronte se çdo tentativë për justifikuar humbjen është praktikë komuniste dhe e palejueshme.

Rama të largohet
Tani që Rama i dha fund bojkotit dhe pranoi humbjen, kërkojnë largimin e Ramës nga partia. Ata kanë akuzuar Ramë për humbjen e zgjedhjeve dhe se ka harxhuar 6 muaj bojkot kot. Kështu, Anëtari i Asamblesë së PS, Ylli Manjani, ka hedhur një sërë akuzash ndaj kreut të PS-së Edi Rama duke e bërë edhe përgjegjësin kryesor për krizën politike. Manjani ka deklaruar se zgjidhja e krizës do të ishte vetëm nëse kreu i PS-së Rama do të dorëhiqej nga posti i kryetarit të PS-së. Sipas tij Partia Socialiste drejtohet dhe orientohet gabim politikisht nga Rama dhe se korrigjimi i krizës është në qoftë se ai merr përgjegjësitë duke dhënë dorëheqjen nga posti i kryetarit që e mban në mënyrë të parregullt.

Të kthehet Nano
Me katandisjen e situatë në PS, ku tashmë puna ka shkuar deri aty sa të vihet në dyshim pjesëmarrja në Kuvend, midis deputetëve socialistë dhe Ramës vihen re kompordanca të mëdha. Pjesa e më e madhe po e gëlltisin zhgënjimin e Ramës në heshtje, kurse një pjesë e po e shfaq hapur. Kësisoj, sa më shumë PS po shkon drejt hermetizmit, drejtë përçarjes dhe radikalizmit, aq më shumë deputetët i kthejnë sytë nga lideri historik, Nano. Vetëm rikthimi i Nanos në PS do t’ua kthente besimin e munguar socialistëve dhe guximin për t’u përballuar me sfidat e ardhshme elektorale. I pari që e ka vënë në dyshim politikën e përtej të majtës dhe të djathtës të Ramës, është deputeti socialist Pandeli Majko. Deputeti Majko deklaroi se politike e re e Ramës është plakur shpejt, duke theksuar se Partia Socialiste e mirëpret kthimin e Fatos Nanos.


SOT