Ja sa komisionerë rrezikojnë të penalizohen nga kërkesat e kreut socialist

Pas premtimit disamujor se me anë të protestave dhe bojkotit do të realizoheshin zgjedhjet e parakohshme, dje kryesocialisti Rama deklaroi publikisht se nuk ka ndërmend të kërkojë zgjedhje të reja, por thjeshtë vetëm të hapen kutitë e votimit. Sikur të mos mjaftonte kjo, Rama tani kërkon dënimin e të gjithë atyre komisionerëve socialistë që menaxhuan në të gjitha nivelet e procesin zgjedhor në Tiranë, Shkodër, Fier dhe Berat. Pra, në fillim i gënjeu

me zgjedhje të parakohshme, tani kërkon t’i dënojë. Vetë komisionerët e kanë quajtur këtë një tradhti të dyfishtë, pasi zgjedhjet kanë qenë të rregullta, ndaj dhe nuk kanë shënuar asnjë vërejtje në procesverbalet e numërimit dhe votimit. Megjithatë Rama nuk heq dorë nga dënimi i tyre, madje këtë kërkesë e ka vendosur si kushtin themelor për të hyrë në Parlament. Kjo do të thotë se Rama po tallet dhe po kërkon t’i burgosë të gjithë ato qindra komisionerë socialistë që numëruan votat. Kjo do të thotë se Rama është tallur me të gjithë ato mijëra socialistë të sinqertë, të cilët i mblodhi nëpër sheshe për javë të tëra, duke u premtuar qeveri teknike dhe zgjedhje të parakohshme. Gënjeshtra e zgjedhjeve të parakohshme sa për të forcuar pozitat në parti pas “tërmetit” që pësoi nga humbja, ishte një taktikë që funksionoi për Ramën, por kjo ka venitur ëndrrën e mijërave socialistëve që i besuan atij. Siç e dimë socialistët në protesta nuk dolën për të shuar zërat që kërkonin përgjegjësin e humbjes, as për të mbajtur Ramën në krye të PS, por ato dolën pasi Rama u premtoi zgjedhje të parakohshme. Ata e mbështetën pasi Rama i siguroi për largimin e Berishës. Por, me deklaratën e djeshme në Durrës Rama e ka shkelur hapur kontratën që bëri me socialistët pasi humbi zgjedhjet. Ky shpërdorim besimi dëshmon edhe një herë se kush e drejton Partinë Socialiste dhe në dorë të kujt janë shpresat e atyre mijërave të papunë që presin ardhjen e PS në pushtet. Mirëpo çështja nuk mbaron këtu. Edi Rama ka dalë sërish t’i gënjejë socialistët për ta mbështetur në protesta. Ai u thotë më mbështesni në protesta, jo për zgjedhje të parakohshme, por thjeshtë sa të hapen kutitë. Pra kërkohet hapja e kutive, por jo zgjedhjet, kërkohet mbështetja në protesta, por jo për të marrë pushtetit. Kur baza e pyet se pse nuk e pritën në Perëndim dhe kur do të zhvillohen zgjedhjet e parakohshme, Rama sulmon menjëherë reformatorët socialistë si tradhtar, si të shitur te Berisha si fajtor për humbjen, a thua se e kanë drejtuar ata PS e jo ai. Kur baza e pyet se pse nuk u bë deputet, Rama thekson se nuk e njollos karrierën e tij me Parlamentin, duke e quajtur atë një fasadë të turpshme. Madje ai ka theksuar se nuk ka dëshirë fare të vijë në pushtet, por drejtojë demokracinë e deformuar. Tani që deputetët po i rrjedhin nga të gjitha anët dhe i duhet patjetër që të shtiret duke bërë sikur po e thyen bojkotin me dëshirë, Rama po sulmon mendimin ndryshe si parapritë ndaj pyetjeve për humbjen e zgjedhjeve dhe rezultatin e bojkotit. Ndërkaq, Rama ka nisur aksionin e ri politik për t’u shpjeguar bazës se pse duhen vijuar protestat dhe bojkoti nëse nuk hapen kutitë. Nga ana tjetër presidenti Topi për përgatit temën e dialogut midis atij dhe Berishës.

Baza
Pas humbjes së zgjedhjeve të 28 qershorit, socialistët po përjetojnë një zhgënjim tjetër më të madh të shkaktuar nga lideri i tyre, atë të zgjedhjeve të parakohshme. Si rrjedhojë kjo ka shkaktuar një rebelim në masë në bazën e socialistëve, të cilët kërkojnë llogari për gjitha këto. Nga ana tjetër, kryesocialisti Rama, pasi humbi mundësinë për të fituar zgjedhjet e përgjithshme për shkaqe që tashmë dihen, tani po humb edhe kontrollin e tij në PS, ku kauzat dhe raportet me Parlamentin ndryshojnë çdo ditë. Anëtari i Asamblesë së Partisë Socialiste, Ylli Manjani, është shprehur se Rama duhet t’u thotë socialistëve që e mbështetën në miting se kur do t’i realizojë zgjedhjet e parakohshme dhe pse nuk u hapen kutitë e votimit. Manjani gjithashtu është shprehur se kryetari i selisë rozë duhet t’u thotë socialistëve strategjinë që ka ia për të rrëzuar qeverinë më tej të kërkojë mbështetje.

Reformatorët, të palëkundur në thyerjen e bojkotit
Vijon të mbetet e tendosur situata në PS. Rama paralajmëron vijimin e bojkoti dhe protesta të mëdha nesh nuk hapen kutitë. Nga ana tjetër, pas apelit dhe argumenteve disamujore për kthimin në Kuvend, 5 deputetët reformatorë kanë shprehur vendosmërinë e tyre se do të futen në Kuvend, pavarësish vendimit të shumicës. Reformatorët janë të bindur, se pas thyerjes së akullit nga ana e tyre, më shuma se gjysma e grupit parlamentar socialist do ta braktisin strategjinë e Ramës. 5 deputetët socialistë, janë të mendimit se protestat për votën e lirë mund të vazhdojnë edhe duke qenë në Kuvend. Ata janë të bindur se bojkotin e shpiku Edi Rama në çastin kur, këtij të fundit iu kërkua dorëheqja për humbjen e zgjedhjeve.

Komisionerët socialistë të Shkodrës, që rrezikojnë burgun
KZAZ nr. 40
Hamdi Shullani
Teuta Qytezashaj
Gledis Çeliku

KZAZ nr. 41
Ejll Shuku, sekretar
Fred Zefi
Sokol Shkreli

KZAZ nr. 42
Genc Haxhaj
Prel Milani
Arban Gjoka

KZAZ nr. 43
Bardh Doda
Jorgje Dodani
Enver Sulejmani

KZAZ nr. 44
Xhevdet Çulaj
Pjetër Preçaj
Gëzim Zenelaj


Komisionerët socialistë të Tiranës, që rrezikojnë burgun

KZAZ nr. 55
Pashk Aliaj
Liri Braçe
Luftar Hoxha

KZAZ nr. 56
Altin Xhixho
Ndue Nikolli
Hasan Bara

KZAZ nr. 57
Irena Babameto
Ylli Kazazi
Daut Buraj

KZAZ nr. 58
Ylli Bala
Njazi Deliu
Luveda Dardha

KZAZ nr. 59
Astrit Dobjani
Erbert Bodlli
Aida Gjeka

KZAZ nr. 60
Fatmir Meçja
Haxh Memolla
Gramoz Sokolaj


Berat
KZAZ nr. 1
Krenar Suku
Seit Dhëmbo
Gora Zaimi

KZAZ nr. 2
Fatime Plaku
Taulant Çala
Pjerin Tumani

KZAZ nr. 3
Ferdinand Gjika
Leonora Dule
Sybi Shehu

KZAZ nr. 4
Manush Maksutaj
Çelnik Nako
Rudina Llango



Sot