DIBËR- Një mësues i shkollës 9-vjeçare në Klenjë të Dibrës ka përfunduar në pranga, pas denoncimit të një nxënëseje të shkollës, e cila e akuzon për përdhunim. Lajmi konfirmohet nga policia lokale, e cila bën me dije se i arrestuar është 50-vjeçari, Gëzim Çela, që punon si mësues në fshatin Klenjë. "Mësuesi u denoncua nga një nxënëse e shkollës, e cila ka bërë kallëzim për të duke e akuzuar për kryerje të marrëdhënieve seksuale me dhunë"- thanë të njëjtat burime.
Pas marrjes së denoncimit, policia ka bërë arrestimin e 50-vjeçarit, duke i komunikuar akuzën e kryerjes së marrëdhënieve seksuale me të mitur. Ai është shoqëruar në komisariat, ndërkohë që pritet të vendoset masa e arrestit. Ndërkaq, dosja i ka kaluar për hetime prokurorisë.
Shekulli