Sonila Isaku

Studentet e mjekesise per te dytin vit radhazi, kane kundershtuar vendimin e dekanatit per vendosjen e stazhit, nese kane tre provime te mbartura gjate dy viteve te para te shkolles. Ky vendim i ka detyruar ata te lene auditoret, qe diten e pare dhe te hidhen ne proteste.

Protesta

Viti i ri akademik, 2009-2010, ka nisur me protesta te studenteve ne Tirane. Per te dytin vit radhazi, kane qene studentet e Fakultetit te Mjekesise, te cilet nuk kane pranuar te hyjne ne auditore per shkak te vendimit te dekanatit te ketij fakulteti, i cili thote se nese studenti ka tre provime te mbartura nga viti i pare dhe i dyte, kalon ne stazh. Studentet te irrituar, thone se nuk do te hyjne ne mesim edhe ne ditet ne vijim, pasi kjo bie ndesh me rregulloren e Universitetit te Tiranes, nga i cili presin nje zgjidhje. "Duke e pare te arsyeshme per shkak te mungeses se informacionit te meparshem, i kerkojme dekanit te terheqe vendimin. Nga ana tjeter, ne i kerkojme dekanit te zbatohet e njejta procedure qe u ndoq per vitet paraardhese, sipas se ciles u kalua nga viti i 2 ne te tretin me 6 provime te mbartura. Studentet nuk kane qene te informuar per vendimin e ri, ndaj kete e cilesojme te gjithe njezeri si te padrejte", kane pohuar studentet e mjekesise, gjate protestes. Nga ana tjeter ata kane kerkuar qe sekretaria e fakultetit te afishoje datat e provimeve, te pakten nje muaj perpara sezonit, si dhe te drejten qe te jape nje provim disa here ne vit kundrejt nje pagese, per kohen ekstra te pedagogeve.

Ambientet

Nderkohe ne fakultetet e tjera te kryeqytetit, ne diten e pare te vitit akademik eshte vene re mungese e ambienteve. Keshtu ka ndodhur tek Shkencat Sociale dhe Drejtesia, si dhe tek Histori-Filologjia. Dekani i ketij te fundit, Shezai Rrokaj, ka pohuar se ky vit nise per here te pare me te gjitha kurrikulat, por ende, per te arritur standarde duhet te zgjidhet problemi i hapesirave te cilat nuk i pergjigjen fluksit te madh te studenteve. Kete vit ndryshe nga vitet paraardhese, do te behet mesim edhe diten e diel. "Per here te pare Universiteti dhe Fakulteti i Histori-Filologjise fillon me te gjitha kurrikulat. Po te flasim per standardet pastaj, kjo eshte tjeter gje, ka te beje me meter katror per studente dhe ketu ka ende shume per t'u bere",-tha Shezai Rrokaj, dekan i Fakultetit te Histori-Filologjise. Sipas tij, universitetet publike kane nevoje per me shume hapesira, te krijohen sa me shume godina ne menyre qe dhe ne, te zgjidhim perfundimisht problemin e auditoreve.

Studentet



Ne Tirane, Korce, Shkoder, Gjirokaster, Vlore, Elbasan dhe Durres jane hapur universitetet, ku 120 mije studente jane ulur ne auditore ndersa 30 mije prej tyre jane studente te rinj. Nderkohe qe pritet te plotesohet Formulari A3, per ata qe nuk kane mundur te fitojne nje dege ne universitetet e vendit.

koha jone