Alban Skenderaj e ka fituar çmimin “Best all” në Videofestin Muzikor 2009. Ai është shprehur të jetë befasuar tej mase me faktin se fitoi edhe çmimin kryesor, i cili ishte i treti për të këtë natë, pasi gjatë mbrëmjes u shpërblye edhe për “Videospotin me kamerën më të mirë” dhe me çmimin “Best male” me dy videoklipet e tij, për këngët “Një herë në jetë” dhe “Larg dhe afër”. “Jam shumë i befasuar, nuk e prisja, pasi më mjaftonin edhe ato dy çmime që mora”, ka thënë ai, duke shtuar se çmimin “Best male” ia dedikon të dashurës së tij, Mirima Cani, të cilën e ka quajtur zemër. “Është viti i tretë që e marr këtë çmim. Nuk e di çka kanë me mua, por unë këtë çmim ia dedikoj zemrës sime që është aty, shpresoj që për ty të jem një best male”, ka thënë ai gjatë marrjes së çmimit. Miriam Cani ka ndarë gjithashtu një çmim dhe ka qenë ajo pranë Albanit për ta puthur sa herë që i është thirrur emri. Moderatore e edicionit të shtatë ishte Gresa Pallaska. Ndërkaq Dafina Zeqiri ka performuar me këngën “Bateritë”, shoqëruar me valltaret e grupit “Art Design”. Edhe Tuna është ngjitur në skenë me një këngë të re, bashkëpunim me njërin nga të dy djemtë e grupit KAOS. Një çmim i veçantë për karrierë iu nda këngëtares së mirënjohur Liliana Cavolli. Mysafir special për të kënduar ka qenë këngëtari Nana, i cili ka performuar këngën “Lonely”, hitin e madh, ndërkaq më pas ka mbajtur koncert para teatrit kombëtar.
Violetë Pllana
Çmimet në Videofestin Muzikor 2009
1. Videospoti më i mirë i zhanrit rock
Troja “Amaneti i Cloënit”
2. Videospoti më i mirë i zhanrit rep-hip-hop
Da Ghost “Kceni krejt”
3. Videospoti më i mirë në konkurrencën “Best neë artist”
Shpat Deda “Ëndërroj”
4. Videospoti me postproduksionin më të mirë
Da Ghost “Kceni krejt”
5. Videospoti me performancën më të mirë
NRG Band “Urgjentisht”
6. Videospoti Best Male
Alban Skenderaj
7. Videospoti me regjinë më të mirë
Shpat Deda “A thu”
8. Videospoti me stajllingun më të mirë
Hana Cakuli “Simbol”
9. Videospoti me montazhin më të mirë
Skillz “Vu ça po shoh”
10. Videospoti më i mirë në konkurrencën e grupeve
Troja “Amaneti i Cloëunit”
11. Videospoti me kamerën më të mirë
Alban Skenderaj “Larg dhe Afer”
12. Videospoti më i mirë në konkurrencën R’n’B”
NRG Band “Nina”
13. Videospoti më i mirë në konkurrencën e femrave
Elvana Gjata “Nuk jam më”
14. Videospoti më i mirë në zhanrin pop
Hana Cakuli
15. Videospoti më i mirë në zhanrin Best pop folk
Mihrije Braha “Shtëpia ime”
16. Çmimi i Publikut
Troja “Amaneti i Cloënit”
17. Videoklipi më i performuar
Capital T, 2 po 2 Dafina Zeqiri “Shumë nalt”
18. Çmimi “Best all”
Alban Skenderaj

Bota Sot