http://www.botasot.info/mesme/Kengetaret%20(Small).jpg" alt="" />]Top artistët që morën më shumë pikë në festivalin "Kënga Magjike 2009", ishin ftuar në spektaklin "E Diela shqiptare". Pjesa e tretë e spektaklit nisi me 10-shën e këngëtarëve më të mirë, të cilët ndërsa qëndronin në panel po shqyrtonin pikët e marra nga kolegët e tyre, si dhe zerot që kishin "fituar" prej tyre. "Artistët më premtuan që nuk do të votonin me inate", tha Ardit Gjebrea, duke shtuar se nga 12 këngëtarë Adelina ka marrë vlerësimin prej zero pikësh. Ai shtroi pyetjen në publik se a meriton Adelina këtë vleresim, sidomos duke qenë se ajo fitoi Çmimin e Publikut. Po kështu, edhe Soni Malaj hodhi dyshime mbi mënyrën e votimit, që sipas saj, lë hapësirë për të përsëritur gabimet, duke paragjykuar mbi bazën e inateve punën e kolegëve. "Ka raste kur kompozitorët ndikojnë te këngëtarët, duke u thënë që votoni me 0 pikë këtë kengetar, sepse nuk vlen", deklaroi Soni Malaj. Sipas Kastro Zizos, juria profesionale duhet të ketë pak me shumë peshë, sepse me këtë sistem që është aktualisht, nuk do të thotë që 20 këngët finaliste janë domosdoshmërish më të mirat e festivalit. "Jam shumë e lumtur që nuk ka pasur atentat ndaj meje. Këta, vetëm artistë që nuk mund të quhen. Unë u ktheva pas 10 vitesh në Shqipëri, me një Adelinë që e kam lënë këtu, për të evoluuar më para. Unë jam vlerësuar si Adelinë nga Vaçe Zela, nga Ardit Gjebrea etj. Unë i thashë në këtë garë të gjitha, që këtu kishte komplote të pafundme, por nuk është vetëm Adelina e cila u sabotua deri në fund, por ka edhe shumë këngë dhe këngëtarë të tjerë", tha këngëtarja seksi, e pyetur nga Arditi se përse mendon se 12 artistë i kanë dhënë asaj vlerësimin prej zero pikësh. Sipas Ardit Gjebresë, në listë, emri i saj përkonte me votime nga ekstremi në ekstrem, pra artistët kanë votuar ose me pikë maksimale, ose duke zgjedhur notën zero për të. Megjithatë, sipas producentit Gjebrea, ajo që fiton mbetet gjithmonë muzika e vërtetë dhe vlerësimi që jep publiku.
Carmen dhe Katerina: Eksperienca jonë e parë, e paharrueshme
Bashkë me këngëtarët në panel ndodheshin edhe dy prezantueset që ishin në krah të Ardit Gjebresë gjatë tre ditëve të festivalit. "Pa Arditin, unë nuk do të isha fare aty. E falënderoj shumë për punën që ka bërë në aq pak ditë", tha Carmen Gjani, e pyetur nga prezantuesja Balina Bodinaku. Ajo shtoi se in-box i saj në e-mail është tejmbushur me mesazhe komplimentuese. Nuk mbeti pa thënë fjalën e saj për këtë eveniment të skenës shqiptare, as biondina bukuroshe nga Ukraina. "Ishte diçka e pakrahasueshme, një eksperiencë e parë, për të cilën duhet të falënderoj Arditin, Carmenin dhe stafin që ka mbështetur këtë festival", pohoi Katerina Kongoli nga ana e saj. Ardit Gjebrea tha se ideja interesante për përzgjedhjen e dy partnerëve të tij ishte e regjisorit Pali Kuke.
Pirro Çako: Jam kurdisur prej 10 vjetësh në Këngën Magjike
"Kam parë një natë të shkëlqyer, madje sivjet për mua festivali ka qenë më mirë se çdo vit. Kjo është ëndrra ime që e kam parë nga Parisi dhe që tani po e jetoj", deklaroi në linjë telefonike të "E diela shqiptare" kantautori Pirro Cako. I pyetur per kuptimin e titullit të këngës së Sonit, tekstshkruesi i "Zemër pa kurdisur", tha: Ne jemi koka, femrat janë qafa, po nuk lëvizën ato, zemrat nuk kurdisen. "Unë për vete jam kurdisur prej 10 vjetësh te Kënga Magjike", përfundoi ai.

Bota Sot